Ինչպես հայտնի է, «Մանչեսթեր Յունայթեդը» վաղը՝ դեկտեմբերի 23-ին, Անգլիայի Պրեմիեր լիգայի 19-րդ տուրում հյուրընկալվելիս մրցելու է «Լեսթերի» հետ:
Ինչպես հաղորդում է Manchester Evening News-ը, Ժոզե Մոուրինյոյի գլխավորած թիմն արդեն մեկնել է մրցավայր: Մեկնողների թվում է եղել նաև Հայաստանի ազգային հավաքականի ավագ Հենրիխ Մխիթարյանը:
Պորտուգալացի մասնագետը հայտացուցակից դուրս է թողել պաշտպաններ Մատեո Դարմիանին և Դեյլի Բլինդին, ովքեր օրեր առաջ վատ հանդիպում էին անցկացրել «Բրիսթոլ Սիթիի» դեմ, ինչպես նաև վնասվածքներ ունեցող Էրիկ Բայիին, Անտոնիո Վալենսիային, Մարուան Ֆելայնիին և Մայքլ Քարիկին:
«Մանչեսթեր Յունայթեդի» հայտացուցակը՝
Դարպասապահներ՝ Դե Խեա, Ռոմերո, Պերեյրա,
Պաշտպաններ՝ Ջոնս, Ռոխո, Սմոլինգ, Լինդելոֆ, Յանգ, Շոու,
Կիսապաշտպաններ՝ Պոգբա, Հերերա, Մաքթոմինեյ, Մատիչ, Լինգարդ, Մատա, Մխիթարյան, Մարսիալ,
Հարձակվողներ՝ Ռեշֆորդ, Իբրահիմովիչ, Լուկակու:
- 5