«Մանչեսթեր Յունայթեդը» ցանկանում է ձեռք բերել Անգլիայի հավաքականի և «Լեսթերի» կենտրոնական պաշտպան Հարի Մագուայրին։ Այդ մասին հաղորդում է Mirror-ը։
Մագուայրի ցուցադրած վստահ խաղը ԱԱ-2018-ում անտարբեր չի թողել մանկունյացիների գլխավոր մարզիչ Ժոզե Մոուրինյոյին։ «Յունայթեդը» 65 մլն ֆունտ է առաջարկում անգլիացի պաշտպանի համար։ Եվ դա այն դեպքում, երբ Մագուայրը «Լեսթեր» է տեղափոխվել նախորդ մրցաշրջանի մեկնարկից առաջ 17 մլն ֆունտի դիմաց։
«Լեսթեր Սիթին» չի ընդունել առաջարկը և պատրաստվում է Մագուայրին առաջարկել նոր պայմանագիր, որի համաձայն ֆուտբոլիստի աշխատավարձը կկազմի շաբաթական 100,000 ֆունտ։
