«Մանչեսթեր Յունայթեդը» ձմռանն ակտիվ է լինելու տրանսֆերային շուկայում, հաղորդում է ESPN-ը:
Մանկունյական ակումբը մտադիր է պայքարել «Վալենսիայի» կիսապաշտպան Կառլոս Սոլերի տեղափոխության համար: Նրա տրանսֆերի դիմաց կառաջարկվի 30 մլն ֆունտ:
Իսպանիայի Մ-21 հավաքականի ֆուտբոլիստի հրաժարագինը կազմում է 75 մլն ֆունտ, սակայն անգլիական ակումբում հուսով են, որ կկարողանան համաձայնության գալ շատ ավելի ցածր արժեքի շուրջ:
Ժոզե Մոուրինյոն ցանկանում է ավելացնել թիմում կիսապաշտպանների թիվն այն բանից հետո, երբ Պոլ Պոգբայի՝ վնասվածք ստանալուց հետո այդ դիրքում խնդիրներ է նկատել:
Ինչ վերաբերում է Սոլերին, ապա նա «Վալենսիայի» առաջատարներից մեկն է և մեծ ներդրում ունի նրանում, որ «չղջիկները» հիանալի են մեկնարկել Իսպանիայի առաջնությունում՝ ընթանալով 2-րդ տեղում: