«Մանչեսթեր Յունայթեդը» պաշտոնապես հաստատեց, որ Մադրիդի «Ռեալից» ձեռք է բերել ֆրանսիացի պաշտպան Ռաֆայել Վարանի տրանսֆերային իրավունքները:
Մանկունիական ակումբն ու ֆուտբոլիստը կնքել են 4 տարվա պայմանագիր, որի ժամկետը կգործի մինչև 2025 թվականի հունիսի 30-ը:
«Մանչեսթեր Յունայթեդը» համաշխարհային ֆուտբոլի պատմության ամենանշանակալի ակումբներից է: Չէի կարող հրաժարվել այստեղ հանդես գալու ու Պրեմիեր լիգայում ուժերս փորձելու հնարավորությունից:
Ցանկանում եմ շատ ավելիին հասնել իմ մարզական կարիերայում: Ես գիտեմ, որ «Մանչեսթեր Յունայթեդն» այն թիմն է, որն ունի բարձրակարգ ֆուտբոլիստներ, որոնք տիտղոսներ նվաճելու ու հաղթանակների հասնելու մեծ ձգտում ունեն:
Զրուցել եմ գլխավոր մարզչի հետ, տեսել եմ ակումբի զարգացումը վերջին տարիներին: Ես միանում եմ մի թիմի, որն այժմ պատրաստ է ելույթ ունենալ ամենաբարձր մակարդակով»,- ասել է Վարանը:
Ֆրանսիացի պաշտպանն անգլիական ակումբում հանդես կգա «19» համարի մարզազգեստով:
«Մանչեսթեր Յունայթեդը» Վարանին ներկայացրեց «Օլդ Թրաֆորդում» «Լիդսի» դեմ խաղից առաջ՝
