«Մանչեսթեր Յունայթեդում», կարծես, արդեն համակերպվում են Պոլ Պոգբայի՝ հաջորդ ամռանն անվճար հեռանալու մտքի հետ:
Ինչպես տեղեկացնում է AS-ը, մանկունիական ակումբն արդեն փոխարինող է գտել ֆրանսիացու համար: Աղբյուրի փոխանցմամբ՝ «կարմիր սատանաներն» ամեն ինչ կանեն հաջորդ ամռանը «Վեսթ Հեմի» կիսապաշտպան Դեկլան Ռայսին ձեռք բերելու համար: Ֆուտբոլիստի համար ՄՅՈւ-ն պատրաստ է վճարել 110 մլն եվրո, որը, ամենայն հավանականությամբ, կգոհացնի «Վեսթ Հեմին»:
Հաղորդվում է նաև, որ Ռայսն արդեն քննարկել է հավանական տրանսֆերը հավաքականում իր խաղընկերներ Լյուկ Շոուի և Հարի Մագուայրի հետ: