Իտալիայի հավաքականի գլխավոր մարզիչ Ռոբերտո Մանչինին կարիերան կարող է շարունակել Անգլիայում։
The Telegraph-ի հաղորդմամբ՝ կա հավանականություն, որ իտալացին հաջորդ ամառ կհամաձայնվի գլխավորել «Մանչեսթեր Յունայթեդը»։
Շանսերը կմեծանան, եթե հավաքականը չկարողանա անցումային խաղերի միջոցով ԱԱ-2022-ի եզրափակիչ փուլի ուղեգիր նվաճել։ Այնուամենայնիվ, անգամ Կատարում ելույթ ունենալու իրավունք ստանալու դեպքում, ՄՅՈՒ-ն կարող է փորձել համոզել Մանչինիին փոխել աշխատանքը։
Ավելի վաղ հաղորդվում էր, որ Մանչինին արդեն հրաժարվել է գլխավորել «Մանչեսթեր Յունայթեդը»։
Հարկ է նշել, որ Ռոբերտոն ԱՊԼ-ում աշխատելու փորձ ունի։ 2009-2013 թվականներին նա «Մանչեսթեր Սիթիի» հետ հաղթել է առաջնությունը, Անգլիայի գավաթն ու սուպերգավաթը։
