Իտալիայի հավաքականի գլխավոր մարզիչ Ռոբերտո Մանչինին կարող է կարիերան շարունակել Պրեմիեր լիգայում՝ հաղորդում է Daily Mail-ը։
Ըստ աղբյուրի՝ իտալացի մասնագետը համարվում է «Տոտենհեմում» Անտոնիո Կոնտեին փոխարինելու հավակնորդներից։ Ցանկում տեղ է գտել նաև «Բրայթոնի» գլխավոր մարզիչ Գրեմ Պոտերը։
Ավելի վաղ հաղորդվում էր, որ Կոնտեն նոր մրցաշրջանում կարող է գլխավորել ՊՍԺ-ն։
Մանչինին Անգլիայի առաջնությունում աշխատելու փորձ արդեն ունի։ 2009-ից 2013 թվականներին մասնագետը գլխավորել է «Մանչեսթեր Սիթին»։