Տիգրան Պետրոսյանի անվան շախմատի տանն ընթացող Հայաստանի Բարձրագույն խմբի տղամարդկանց առաջնությունում հիանալի է հանդես գալիս Մանուել Պետրոսյանը, որը չեմպիոնի տիտղոսի գլխավոր հավակնորդն է:
Առանց պարտության ընթացող Մանուելը 8-րդ տուրում 5-րդ անընդմեջ հաղթանակը տոնեց և 6,5 միավորով շարունակում է վստահորեն գլխավորել մրցաշարային աղյուսակը: Նրա հերթական «զոհը» Արման Փաշիկյանն էր:
Առաջատարին մեկ միավորով զիջող Շանթ Սարգսյանը պարտության մատնեց Դավիթ Շահինյանին: 5 միավորով առաջատար եռյակը եզրափակող Սամվել Տեր-Սահակյանը հաշտություն կնքեց Հայկ Մարտիրոսյանի հետ: Դա տուրում գրանցված միակ ոչ-ոքին էր:
Տուրը հաղթական էր նաև Մամիկոն Ղարիբյանի և Հովհաննես Գաբուզյանի համար, որոնք առավելության հասան համապատասխանաբար Տիգրան Հարությունյանի ու Տիգրան Պետրոսյանի նկատմամբ:
