ԲԿՄԱ-ի հետ Հայաստանի առաջնության 12-րդ տուրի խաղում խոցելով Արման Ներսեսյանի պաշտպանած դարպասը, Մաքսիմ Մայրովիչը VBET ՀՊԼ-ում 15-րդ գոլը խփեց ու դարձավ «Նոայի» պատմության լավագույն ռմբարկուն: Նա մեկ գնդակով գերազանցեց թիմի նախկին ֆուտբոլիստ Վլադիմիր Ազարովի ցուցանիշը:
«Նոայում» այդ տիտղոսի համար բավական հետաքրքիր պայքար էր ծավալվել նշված երկու ֆուտբոլիստների միջև: Մայրովիչն ու Ազարովը միաժամանակ էին սկսել ելույթները «Նոայում»՝ նորամուտը նշելով 2019/20թթ. առաջնության մեկնարկային խաղում՝ օգոստոսի 3-ին «Գանձասար-Կապանի» հետ կայացած մրցավեճում: Ավելի հաջողակ գտնվեց Մայրովիչը, որը 70-րդ րոպեին 11մ հարվածով բացեց իր գոլերի հաշիվը ՀՀ առաջնություններում՝ գրավելով Գևորգ Կասպարովի պաշտպանած դարպասը:
Թիմի կազմում իր առաջին մրցաշրջանում Մաքսիմ Մայրովիչը 11 գնդակով դարձավ «Նոայի» լավագույն ռմբարկուն՝ 3 գոլով գերազանցելով Ազարովին:
Հաջորդ մրցաշրջանում Մայրովիչն առաջնության աշնանային հատվածում իր գոլերի թիվն ավելացրեց երկուսով ու հեռացավ «Նոայից»: Դա հնարավորություն ընձեռեց 6 գոլով թիմի լավագույն ռմբարկու ճանաչված Ազարովին ՀՀ առաջնություններում խփած գնդակների քանակը հասցնել 14-ի և դառնալ «Նոայի» պատմության լավագույն ռմբարկու:
Ստացվեց այնպես, որ Ազարովը նախորդ առաջնության ավարտից հետո հեռացավ թիմից, իսկ Մայրովիչը կրկին վերադարձավ հարազատ կոլեկտիվ: Սեպտեմբերի 11-ին «Նորավանքի» հետ խաղում Մայրովիչն իր վերադարձը նշեց գոլով՝ ավելացված ժամանակում թիմին փրկելով պարտությունից: Դա Մայրովիչի 14-րդ գոլն էր, որով նա հավասարվեց Ազարովին:
Եվ ահա ԲԿՄԱ-ի հետ խաղում Մայրովիչը կրկին իրեն վերադարձրեց «Նոայի» պատմության լավագույն ռմբարկուի տիտղոսը: Նշենք, որ պաշտոնական մրցումներում խփած գոլերի քանակով էլ (18) Մայրովիչը շրջանցեց Ազարովին ու լավագույնն է «Նոայում»:
VNews.am-ը ներկայացնում է VBET ՀՊԼ-ում «Նոայի» ամենաարդյունավետ ֆուտբոլիստների ցուցանիշները:
|
Ֆուտբոլիստներ |
Գոլ |
|
1. Մաքսիմ Մայրովիչ |
15 |
| 2. Վլադիմիր Ազարով |
14 |
|
3. Պետրոս Ավետիսյան |
7 |
| 4. Պավել Կիրիենկո |
7 |
|
5. Դանու Սպատառու |
5 |
| 6. Վադիմ Պայրելի |
4 |
|
7. Ալեքսանդր Կարապետյան |
4 |
| 8. Էդուարդ Ավագյան |
4 |
|
9. Յուրի Գարեգինյան |
3 |
| 10. Կիրիլ Բոռ |
3 |
|
11. Դմիտրի Լավրիշչև |
3 |
| 12. Արտյոմ Սիմոնյան |
3 |
|
13. Սիմոեշ դե Օլիվեյրա |
3 |
| 14. Ակմալ Բախտիյարով |
3 |
|
15. Գրիգոր Աղեկյան |
3 |
