Հայաստանի հավաքականի հարձակվող Նորբերտո Բրիասկո Բալեկյանն անցած գիշեր նշել է նորամուտը «Բոկա Խունիորսի» կազմում։ Հայ հարձակվողը Լիբերտադորեսի գավաթի փլեյ-օֆֆ փուլում «Ատլետիկո ՄԳ»-ի հետ հանդիպմանը եղել է թիմի մեկնարկային կազմում ու մասնակցել է ամբողջ խաղին։ Հանդիպումն ավարտվել է 0-0։
Հանդիպման ընթացքում «Բոկայի» երկրպագուներից մեկը դիմել է Բալեկյանին։ Հայ խաղացողի խաղը տպավորել է արգենտինական ակումբի երկրպագուներին, որոնք հիշել են Դիեգո Մարադոնայի խոսքերը Բալեկյանի մասին․
«Դիեգոն ճիշտ էր։ Այս մեծ տղան համարձակ է»։ Լսելով այս խոսքերը՝ Բալեկյանը շրջվել է ու ժպտացել։ Նա հասկացել է, որ երկրպագուն հիշեցնում էր իրեն Մարադոնայի խոսքերը, որոնք լեգենդար արգենտինացին ասել էր 2019 թվականին «Ուրականի» կազմում տպավորիչ խաղերից մեկից հետո։
Բալեկյանը վերջերս «Ատլետիկո Ուրականից» տեղափոխվեց «Բոկա Խունիորս»։
