Մադրիդի «Ռեալի» պաշտպան Մարսելոն հերթական անգամ հայտարարել է հաջորդ մրցաշրջանում ակումբում մնալու ցանկության մասին։ Բրազիլացու պայմանագիրը «սերուցքայինների» հետ ավարտվելու է հունիսին։
«Ես ցանկանում եմ մնալ «Ռեալում», դա իմ գաղափարն է: Ուզում եմ շարունակել խաղալ այստեղ, և ես դա ասել եմ արդեն 50,000 անգամ: Ակումբի ղեկավարության հետ կխոսենք «Լիվերպուլի» դեմ Չեմպիոնների լիգայի եզրափակիչից հետո,- բրազիլացու խոսքն է մեջբերում Madrid Xtra-ն։
Մարսելոն «Ռեալի» պատմության ամենատիտղոսակիր ֆուտբոլիստն է (24 գավաթ): 34-ամյա ձախեզրային պաշտպանն «Արքայական ակումբի» գույները պաշտպանում է 2007 թվականից:
