«Ռեալի» պաշտպան Մարսելոն ներկա է եղել իր որդու խաղին:
Հանդիպման մեկնարկը ձգձգվել է, քանի որ խոտածածկը թաց է եղել հորդառատ անձրևից հետո:
Բրազիլացին մյուս հայրերի հետ օգնել է մարզադաշտն սպասարկող անձնակազմին՝ մասնակցելով խոտածածկի մաքրման աշխատանքներին:
Խաղի մեկնարկից որոշ ժամանակ անց էլ 12-ամյա Էնցոն իր գոլով մեծ ուրախություն է պարգևել լեգենդար հորը:
Հիշեցնենք՝ Մարսելոյի ու «Ռեալի» պայմանագրի ժամկետը լրանում է հունիսի 30-ին: Հաջորդ օրվանից ֆուտբոլիստն ազատ գործակալի կարգավիճակ կստանա: Ակումբն ավելի վաղ հաստատել է, որ բրազիլացին հեռանալու է:
