«Ռեալի» ավագ և ամենատիտղոսակիր ֆուտբոլիստը՝ Մարսելոն, այս պահին հրաժեշտի ասուլիս է անցկացնում:
«Ցանկանում եմ շնորհակալություն հայտնել ակումբին, իմ թիմակիցներին, որոնց հետ խաղալուց այս տարիների ընթացքում հաճույք եմ ստացել, մարզիչներին, աշխատակիցներին, որոնք ինձ համար ընտանիք էին, պահակներին...
Ուզում եմ շնորհակալություն հայտնել «Ռեալին» այս ամենի համար։ Կյանքիս ամեն օրն արթնանում էի աշխարհի լավագույն ակումբում լինելու ուրախությամբ։ Երեխաներս տեսան, որ ես կարող եմ խաղալ աշխարհի լավագույն ակումբում։
Երբ ես պայմանագիր կնքեցի «Ռեալի» հետ, կարծում էի, որ կարող եմ հասնել գագաթնակետին, և այժմ ես այն խաղացողն եմ, որն ակումբի պատմության մեջ ամենաշատ տիտղոսներն է նվաճել:
Ուզում եմ հատուկ նշել Ռաուլին. երբ տղաս ծնվեց, դու՝ որպես ավագ, ինձ շատ բան սովորեցրիր։ Այդ պահից ես սկսեցի քեզ տեսնել որպես օրինակ և ցանկացա հետևել քեզ: Այսօր ես հեռանում եմ այստեղից՝ ասելով, որ դու ինձ համար օրինակ էիր:
Գլուխս բարձր եմ հեռանում։ Իմ ընտանիքը շատ հպարտ է ինձնով։ Ես երջանիկ տղա եմ. այն ամենը, ինչ ունեի իմ կյանքում, պայմանավորված էր աշխատանքով, բայց իմ բախտը բերեց այն մարդկանց հարցում, որոնք իմ կողքին էին։
Շատ շնորհակալ եմ բոլորիդ։ Սա հրաժեշտ չէ. ես չեմ զգում, որ հեռանում եմ «Ռեալից»։
Երբ ես ասացի, որ «Ռեալի» ապագան ապահով է, նկատի ունեի այն, որ նա շատ խոստումնալից է։ Խոսքը որդուս մասին է, որը թիմի ակադեմիայում է։
Ես այստեղ եմ եկել որպես տղա, հեռանում եմ որպես տղամարդ»,- բրազիլացու խոսքն է մեջբերում մադրիդյան ակումբի մամուլի ծառայությունը:
🔴 𝙀𝙉 𝘿𝙄𝙍𝙀𝘾𝙏𝙊 | El acto institucional de homenaje y despedida de nuestro capitán @MarceloM12.#RealMadrid https://t.co/3tuNU3uyIi
— Real Madrid C.F. (@realmadrid) June 13, 2022
Ավելի վաղ «Ռեալը» հայտարարել էր, որ Մարսելոյի հետ հունիսի 30-ին ավարտվող պայմանագիրը չի երկարաձգվի:
🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆🏆@MarceloM12 | #GraciasMarcelo pic.twitter.com/dUxsIGNgNz
— Real Madrid C.F. (@realmadrid) June 13, 2022
34-ամյա խաղացողը մադրիդյան թիմում հանդես էր գալիս 18 տարեկանից։ «Սերուցքայինների» կազմում նա նվաճել է 25 տիտղոս: