- Թույլ մի՛ տուր սրիկաներին կոտրել քեզ:
- Բայց ո՞վ է հիշում ցավը, երբ այն անցյալում է: Դրանից միայն ստվեր է մնում, և ոչ թե մտքումդ, այլ՝ մարմնումդ: Ցավը նշագծում է քեզ, բայց այն տեսանելի լինելու համար չափազանց խորն է. այն աչքից հեռու, մտքից էլ դուրս է:
- Մենք թղթերի վրա գոյություն չունեցող մարդիկ էինք: Մենք ապրում էինք թղթի եզրի սպիտակ դատարկ տարածություններում: Դա մեզ ավելի շատ ազատություն էր տալիս, քանի որ մենք ապրում էինք պատմությունների միջև առկա բացերում:
- Ավելի լավ դեռ չի նշանակում «ավելի լավ» բոլորի համար: Միշտ էլ որոշ մարդկանց համար դա «ավելի վատ» է նշանակում:
- Դու կարող ես նախանձել ինչ-որ մեկին ինչ -որ բանի համար միայն այն դեպքում, եթե կարծում ես, որ այդ ինչ-որ բանը դու պետք է ունենաս:
- «Կան ազատության տարբեր հասկացություններ, -ասաց մորաքույր Լիդիան,- դու ազատ ես ինչ-որ բան անել և ազատ ես ինչ-որ մեկից: Անիշխանության օրերում դուք ազատ եք անել այն, ինչ ուզում եք, իսկ այսօր դուք ազատ եք մարդկանցից: Չթերագնահատեք այդ ազատությունը:
- Ինքս ինձ ասացի, որ պետք է բերանս փակ պահեմ և հիմարի տեսք ընդունեմ: Կարծում էի՝ բարդ բան չկա:
- Իմացությունը գայթակղություն է: Այն, ինչից տեղյակ չես, չի կարող գայթակղել քեզ:
- Անցյալի մասին մտածելիս, հիշում եմ այն գեղեցիկ բաները, որոնք մենք ընտրել ենք: Մենք ցանկանում ենք հավատալ, որ ամեն ինչ ճիշտ այդպես էլ եղել է:
- Չկա ավելի ապահով բան, քան մահն է:
- Հավանաբար նա տեսավ հայացքս և սխալ հասկացավ ինձ. իրականում ես միայն ծխախոտ էի ցանկանում:
- Հաճելի է, երբ ունես փոքր նպատակներ, որոնց հեշտությամբ հասնում ես:
- Մենք կարծում էինք, որ մեր խնդիրները շատ լուրջ էին. ով կարող էր գիտակցել, որ իրականում մենք երջանիկ էինք, շատ երջանիկ:
- Ապրի՛ ներկայով, դրանից վերցրու առավելագույնը, քանի որ կա միայն ներկան:
- Ոչինչ, բացարձակապես ոչինչ միանգամից չի փոխվում. աստիճանաբար տաքացվող լոգարանում, դու կեփվես նախքան գիտակցելդ:
- Առնետը լաբիրինթոսում կարող է ազատ տեղաշարժվել այնքան ժամանակ, քանի դեռ նա լաբիրինթոսի սահմաններից դուրս չի գալիս:
- Հիրավի շատ հետաքրքիր է, թե մարդիկ ինչին են պատրաստ հարմարվել, քանի դեռ կան կոմպենսացիաներ:
- Թույլ մի՛ տուր, որ նրանք շատ տառապեն: Եթե պետք է մեռնեն, թուլ տուր, որ դա արագ տեղի ունենա: Դու նրանց համար պետք է դրախտ ապահովես: Մենք քո կարիքը հենց դրա համար էլ ունենք, քանի որ դժոխք ինքներս էլ կարող ենք կերտել:
- Կատարյալ սիրտ գոյություն չունի:
- Այն, ինչը լռում է, մի օր պահանջելու է, որ իրեն լսեն, լսեն անգամ լռության միջով:
Թարգմանությունը՝ Vnews-ի
Կարդացեք նաև՝