Շախմատի Հայաստանի կանանց առաջնության 6-րդ տուրից հետո մրցաշարային աղյուսակում երկիշխանություն հաստատվեց: 4,5-ական միավորով աղյուսակը գլխավորեցին Սուսաննա Գաբոյանն ու Մարիամ Մկրտչյանը:
Գաբոյանը ոչ-ոքի խաղաց Աստղիկ Հակոբյանի հետ, իսկ Մկրտչյանը հաղթեց Նարե Առաքելյանին: 4 միավորով առաջատարներին հետապնդում է Մարիա Գևորգյանը, որը հաշտություն կնքեց Նարինե Գասպարյանի հետ:
Տուրը հաղթական էր Վերոնիկա և Աննա Խաչատրյանների համար, որոնք պարտության մատնեցին համապատասխանաբար Ասյա Եդիգարյանին ու Մարիամ Ավետիսյանին: