«Ինտերի» գլխավոր տնօրեն Ջուզեպե Մարոտան խոսել է «Յուվենտուսից» հեռացած հարձակողական ոճի կիսապաշտպան Պաուլո Դիբալայի՝ միլանյան ակումբ հնարավոր տեղափոխության մասին:
«Մենք հանդիպել ենք նրա գործակալների հետ։ Միշտ ուսումնասիրում ենք հնարավորությունները, բայց լիարժեք համաձայնության հասնելու համար պետք է երկու կողմից էլ ճիշտ պայմաններ լինեն։
Այս պահին Դիբալայի հարցով ոչինչ որոշված չէ»,- Մարոտայի խոսքն է մեջբերում ինսայդեր Ֆաբրիցիո Ռոմանոն:
Արգենտինայի հավաքականի ֆուտբոլիստը հուլիսի 1-ին կդառնա ազատ գործակալ: Դիբալան «Յուվենտուսի» գույները պաշտպանում էր 2015 թվականի հուլիսից: