«Ինտերի» գործադիր տնօրեն Ջուզեպե Մարոտան մեկնաբանել է այն լուրը, որ «Յուվենտուսի» հարձակվող Պաուլո Դիբալան ամռանը կհամալրի միլանյան թիմի կազմը:
«Դիբալան հիանալի խաղացող է. նա ամռանը հասանելի կլինի՝ որպես ազատ գործակալ, կարծում եմ՝ շատ ակումբներ կցանկանան ձեռք բերել նրան:
Մենք հարձակման գծում որակյալ 5 ֆուտբոլիստ ունենք, որոնք «Ինտերին» դարձրել են Ա Սերիայի լավագույն թիմը: Այս դիրքում մենք խնդիրներ չունենք, բայց ես գնահատում եմ Դիբալայի որակները»,- Մարոտայի խոսքն է մեջբերում La Gazzetta dello Sport-ը:
Ավելի վաղ հաղորդվում էր, որ արգենտինացի հարձակվողը չի ընդունել «Յուվենտուսի»՝ պայմանագիրը երկարաձգելու առաջարկը և պատրաստ է ամռանն ազատ գործակալի կարգավիճակով տեղափոխվել «Ինտեր»:
