«Բավարիան» ձեռք է բերել Ավստրիայի հավաքականի ու «Լայպցիգի» ֆուտբոլիստ Մարսել Զաբիտցերի տրանսֆերային իրավունքները՝ հաղորդում է ակումբի պաշտոնական կայքը:
Կողմերը կնքել են պայմանագիր, որի ժամկետը կգործի մինչև 2025 թվականի ամառը: Հարձակողական ոճի կիսապաշտպանը մյունխենյան ակումբում ելույթ կունենա «18» համարի մարզազգեստով:
«Ուրախ եմ, որ «Բավարիայում» խաղալու հնարավորություն ստացա: Մանկության տարիներին ակումբի մարզաշապիկն ինձ համար հպարտություն ու ուրախություն էր:
Ցանկանում եմ մեծ թվով հաղթանակներ տոնել ու տիտղոսներ նվաճել»,- ասել է ֆուտբոլիստը պայմանագիր կնքելուց հետո:
