Մարսելոն հեռանում է «Ռեալից»՝ հայտնում է «Արքայական ակումբի» մամուլի ծառայությունը:
Նշվում է, որ կողմերի միջև պայմանագրի ժամկետի ավարտից հետո (2022թ. հունիսի 30) բրազիլացին կստանա ազատ գործակալի կարգավիճակ:
Վաղը կայանալու է ֆուտբոլիստի հրաժեշտի միջոցառումը, որին ներկա է լինելու ակումբի նախագահ Ֆլորենտինո Պերեսը:
Հիշեցնենք, որ Մարսելոն 15 տարի «Ռեալում» է: Նա ակումբի պատմության ամենատիտղոսակիր ֆուտբոլիստն է (25): Մինչև այդ ռեկորդը պատկանում էր «սերուցքայինների» լեգենդ Ֆրանսիսկո Խենտոյին (23):