«Ռեալ Սոսյեդադի» կիսապաշտպան Մարտին Էդեգորը ճանաչվել է Նորվեգիայի 2019 թվականի լավագույն ֆուտբոլիստ: Այս մասին հաղորդում է երկրի ֆուտբոլային ասոցիացիայի մամուլի ծառայության թվիթերյան էջը:
Էդեգորը պատվավոր մրցանակի համար պայքարում առաջ է անցել Դորտմունդի «Բորուսիայի» նորեկ Էրլինգ Հալանդից, որը հաղթող է ճանաչվել «Տարվա առաջընթաց» անվանակարգում:
21-ամյա Էդեգորը վարձավճարով է հանդես գալիս բասկյան ակումբում: Նորվեգացի ֆուտբոլիստի տրանսֆերային իրավունքները պատկանում են Մադրիդի «Ռեալին»: Խաղացողն Իսպանիայի Լա Լիգայի ընթացիկ առաջնությունում մասնակցել է 16 մրցավեճի և դարձել 4 գոլի ու 5 արդյունավետ փոխանցման հեղինակ:
Հալանդը 2019 թվականի դեկտեմբերին է «Ռեդ Բուլ Զալցբուրգից» տեղափոխվել «Բորուսիա»: Նա Ավստրիայի ընթացիկ առաջնությունում անցկացրած 14 հանդիպումներում իր անվան դիմաց է գրանցել խփած 16 գնդակ: Ինչ վերաբերում է Չեմպիոնների լիգայի գավաթի խաղարկությանը, ապա այնտեղ 19-ամյա ֆուտբոլիստը խաղադաշտ է դուրս եկել 6 անգամ՝ խփելով 8 գոլ:
«Ռեալը» վերջնական որոշում է կայացրել Էդեգորի ապագայի վերաբերյալ
