Միլանի «Ինտերի» գործադիր տնօրեն Ջուզեպե Մարոտան անդրադարձել է Ռոմելու Լուկակուի՝ «Չելսի» տեղափոխության թեմային:
«Լուկակուի տրանսֆերային իրավունքները վաճառեցինք 115 մլն եվրոյով ու ձեռք բերեցինք Էդին Ջեկոյին անվճար: Խաղադաշտում տարբերությունը մեծ չէ:
Լուկակուն հեռացավ, որպեսզի կրկնապատկի իր աշխատավարձի չափը: Իտալիայում նման թվեր գոյություն չունեն:
Այսօր մենք ի վիճակի չենք նման ներդրումներ կատարել: Ինձ թույլ չեն տա 75 մլն եվրո վճարել ու մեկ տրանսֆեր կատարել: Մեզ պետք են կրճատված ու կոնկրետ ներդրումներ»,- ասել է Մարոտան Il Corriere della Sera-ի հետ զրույցում:
