«Մբապեի տրանսֆերը՝ «թույլ կրակի վրա». այսպես է վերնագրել AS պարբերականն իր նյութը՝ ֆրանսիացու՝ «Ռեալ» տեղափոխության վերաբերյալ:
Պարբերականի փոխանցմամբ՝ «Ռեալի» ղեկավարները ժամեր առաջ հանդիպում են ունեցել՝ քննարկելու Մբապեին գնելու մարտավարությունը: Նշվում է, որ ակումբում որոշում են կայացրել չշտապել, ոչինչ չձեռնարկել ու պատերազմ չհայտարարել ՊՍԺ-ին. «Ռեալը» մտադիր է համբերատար սպասել, քանի որ գիտի՝ ժամանակն աշխատում է իր օգտին: «Արքայական ակումբում» վստահ են, որ Մբապեն չի երկարաձգի պայմանագիրը փարիզյան ակումբի հետ և ՊՍԺ-ն ստիպված կլինի վաճառել ֆուտբոլիստին՝ ֆինանսական ֆեյր-փլեյի կանոնները չխախտելու համար:
Հաղորդվում է, որ գործարքի արժեքը կկազմի մոտ 150 միլիոն եվրո: