ՊՍԺ-ի հարձակվող Կիլիան Մբապեն ասել է, որ մինչև մայիսի 28-ը կհայտարարի Մադրիդի «Ռեալի» և ՊՍԺ-ի միջև ընտրության վերաբերյալ իր վերջնական որոշումը։ Ֆուտբոլիստը կհայտարարի իր ընտրության մասին Ֆրանսիայի հավաքականի մարզական ճամբարում՝ հայտնում է Goal-ը։
Բրիտանական հեղինակավոր պարբերականը հավելում է, որ Կիլիանը գործնականում կատարել է իր ընտրությունը: Ֆրանսիացու՝ ՊՍԺ-ի հետ գործող պայմանագրի ժամկետը կավարտվի հունիսին: Մի շարք աղբյուրների հաղորդմամբ՝ Մբապեն ազատ գործակալի կարգավիճակով կտեղափոխվի Մադրիդի «Ռեալ»:
Հիշեցնենք՝ Մբապեն այս մրցաշրջանում ՊՍԺ-ի կազմում նվաճել է Ֆրանսիայի առաջնության չեմպիոնական տիտղոսը: Լիգա 1-ի ավարտին մնացել է 1 տուր: