ՈՒԵՖԱ-ի Կոնֆերենցիաների լիգայի գավաթը նվաճելուց հետո «Ռոմայի» կիսապաշտպան Հենրիխ Մխիթարյանը ևս մեկ հրապարակում է կատարել սոցցանցերում՝ դիմելով թիմի գլխավոր մարզիչ Ժոզե Մոուրինյոյին:
Մխիթարյանը հրապարակել է Մոուրինյոյի հետ համատեղ լուսանկար՝ մակագրելով՝ «Մեծ պարոն»:
Հենրիխն ու Ժոզեն նվաճել են համատեղ 2-րդ եվրագավաթը: 2017 թվականին նրանք անգլիական «Մանչեսթեր Յունայթեդի» կազմում նվաճել էին Եվրոպա լիգայի գավաթը:
Ժոզեն ֆուտբոլի պատմության առաջին մարզիչն է, որը հաղթել է եվրագավաթային բոլոր 3 մրցաշարերում (Չեմպիոնների լիգա, Եվրոպա լիգա, Կոնֆերենցիաների լիգա):