Նեյմարը ցանկանում է լքել ՊՍԺ-ն։ Հարձակվողը հարմարավետ չի զգում փարիզյան ակումբում և մտադիր է հեռանալ՝ հաղորդում է Le Parisien-ը։
ՊՍԺ-ն չի ցանկանում ընդդիմանալ բրազիլացու կամքին։
Ավելի վաղ հաղորդվում էր, որ փարիզյան ակումբը կապ է հաստատել ֆուտբոլիստի հոր հետ և հորդորել, որ բրազիլացու համար նոր ակումբ գտնեն։ Չնայած համագործակցությունը չշարունակելու կողմերի ցանկությանը՝ նրանք վստահ չեն, որ առաջիկայում կկարողանան իրականացնել տրանսֆերը։
Լիգա 1-ի նախորդ մրցաշրջանում Նեյմարը մասնակցել է 22 խաղի, որոնցում խփել է 13 գոլ, կատարել 6 գոլային փոխանցում։