Իտալիայի հավաքականի պաշտպան Լեոնարդո Բոնուչին անդրադարձել է բելգիացիների դեմ խաղին իր թիմակից Չիրո Իմոբիլեի մասնակցությամբ դրվագին:
Հիշեցնենք, որ Իմոբիլեն մրցակցի տուգանային հրապարակում Վերտոնգենի հետ բախումից հետո պառկել է խոտածածկին՝ գալարվելով այնպես, կարծես լուրջ վնասվածք է ստացել: Իտալիայի հավաքականի հարձակվողի գալարվելու ընթացքում նրա թիմակից Նիկոլո Բարելան գոլ է խփել: Երբ Իմոբիլեն նկատել է թիմակցի գոլը, անմիջապես ոտքի է կանգնել ու գնացել գոլը թիմակիցների հետ տոնելու: Իտալիայի հավաքականի հարձակվողի վարքագիծը համացանցում լայն քննարկումների առիթ է դարձել:
«Նա կոճն էր բռնել, իսկ հետո հաջողությունը թուլացրեց նրա ցավը: Չիրոն արդար տղա է, բայց նման բաներ խաղադաշտում պատահում են: Մենք նույնպես ծիծաղեցինք նրա վրա»,- Football Italia-ն մեջբերում է Բոնուչիի խոսքը:
Իմոբիլեի մասնակցությամբ դրվագը՝