Logo
ՍՊՈՐՏ / Լրահոս
Հեղինակ

Աննա Անտոնյան

13:45 / 24.06.2022Լրահոս
Մերկուրի մոլորակ

Տիեզերական զոնդն ուղարկել է Մերկուրիի լուսանկարը՝ արված 1000 կմ-ից պակաս հեռավորությունից

Եվրոպական տիեզերական գործակալությունը հրապարակել է Մերկուրի մոլորակի մանրամասն պատկերը, որը ստացվել է BepiColombo առաքելության զոնդից։ Լուսանկարն արվել է հունիսի 23-ին, երբ տիեզերակայանը գտնվում էր մոլորակի մակերևույթից մոտ 920 կմ հեռավորության վրա։ Դրանից առաջ, կատարելով թռիչքի մանևր, այն իրականացրել է ամենամոտ մոտեցումը՝ նվազեցնելով հեռավորությունը մինչև 200 կմ։

Mercury Transfer Module-ով տեսախցիկները հնարավորություն են տվել 1024 × 1024 պիքսել լուծաչափով սևուսպիտակ նկարներ անել։ 

Մերկուրի-1

Պատկերում կան որոշ արտեֆակտներ, օրինակ՝ հորիզոնական գծերը, բայց նույնիսկ այդ դեպքում նկարը թույլ է տալիս տեսնել մոլորակի հարուստ երկրաբանական լանդշաֆտը:

Այս գրավիտացիոն մանևրը երկրորդն էր Մերկուրիի ուղեծրում և հինգերորդը՝ ընդհանուր առմամբ ինը թռիչքներից: Դեպի Արեգակին ամենամոտ գտնվող մոլորակ տանող իր յոթնամյա ճանապարհորդության ընթացքում BepiColombo-ն կատարում է մեկ թռիչք Երկրի շուրջը, երկուսը՝ Վեներայի և վեցը՝ Մերկուրիի՝ 2025 թվականին ցանկալի ուղեծիր դուրս գալու համար: Հենց այդ ժամանակ կկիրառվի ավելի առաջադեմ տեխնիկա այս մոլորակի մանրամասն ուսումնասիրության համար:

Աղբյուր՝ lifehacker.ru


 

Լրահոս