VivaroNews-ն առանձնացրել է հունվարի 8-ին տեղի ունեցած ամենաուշագրավ իրադարձությունները և դրանք ներկայացնում է ձեր ուշադրությանը լավագույն տասնյակի տեսքով՝ ըստ լուրերի կարևորության:
10. Մամուլը կրկին հիշել է Խամես Ռոդրիգեսին
Mirror-ը պնդում է, որ Մադրիդի «Ռեալի» կիսապաշտպան Խամես Ռոդրիգեսի գործակալ Ժորժե Մենդեշը բանակցություններ է սկսել «Մանչեսթեր Յունայթեդի» հետ: Ըստ պարբերականի՝ կոլումբիացի ֆուտբոլիստը դեմ չէր լինի արդեն հունվարին փոխելու ակումբային գրանցումը: Խամեսի ծառայություններով հետաքրքրված են նաև «Չելսին» և «ՊՍԺ»-ն: Անձամբ ֆուտբոլիստն ավելի վաղ հայտարարել էր, որ մնալու է «Ռեալում»: Նա մասնակցել էր «Սևիլյայի» դեմ նախորդ շաբաթ կայացած գավաթային հանդիպմանը և դարձել դուբլի հեղինակ: