ՊՍԺ-ի հարձակվող Լիոնել Մեսին իր կարծիքն է հայտնել «Ոսկե գնդակի» հավակնորդների մասին:
«Կարծում եմ՝ կասկածներ չկան: Ակնհայտ է, որ Բենզեման պետք է ստանա «Ոսկե գնդակը»: Նա փայլուն մրցաշրջան անցկացրեց և մեծապես նպաստեց իր թիմի հաջողությանը Չեմպիոնների լիգայի բոլոր խաղերում»,- արգենտինացու խոսքը փոխանցում է Marca-ն:
Հիշեցնենք, որ 2021/22 մրցաշրջանում «Արքայական ակումբը» նվաճեց Լա լիգայի տիտղոսն ու Չեմպիոնների լիգայի գավաթը: Ֆրանսիացին լավագույն ռմբարկու դարձավ թե՛ Իսպանիայի առաջնությունում (27 գոլ), թե՛ ՉԼ-ում (15):
2021 թվականին մրցանակն ստացել էր հենց Լիոնել Մեսին(կարիերայում 7-րդ անգամ):