Արգենտինայի հավաքականի հարձակվող Լիոնել Մեսին հուլիսի 11-ին իր ընտրանու կազմում դարձել է Ամերիկայի գավաթակիր՝ եզրափակիչում Բրազիլիայի ազգային թիմի նկատմամբ հաղթանակի շնորհիվ (1-0): Դա դարձել է արգենտինացու՝ հավաքականի կազմում նվաճած առաջին խոշոր միջազգային տիտղոսը:
«Ոսկե գնդակի» վեցակի դափնեկիրը հանդիպումից հետո «Ինստագրամում» լուսանկար է հրապարակել երկար սպասված գավաթի հետ՝ գրելով․ «Սա խելահեղություն է, սա հրաշալի է, փառք Աստծու: Մենք չեմպիոններ ենք: Մենք դա արեցինք, գրողը տանի»:
Посмотреть эту публикацию в Instagram
Արգենտինայի հավաքականի ավագի հուզական հրապարակումը ներկա պահին «հավանել» է ավելի քան 20 մլն օգտատեր (20 085 614), ինչն այդ գրառումը դարձրել է տվյալ սոցիալական ցանցի պատմության՝ մարզական թեմայով ամենահանրաճանաչը: Այդ մասին հաղորդում է Marca-ն:
Մեսին գերազանցել է Կրիշտիանու Ռոնալդուին, որը 2020 թվականին հրապարակում էր կատարել՝ ի հիշատակ կյանքից հեռացած լեգենդար արգենտինացի ֆուտբոլիստ Դիեգո Մարադոնայի: «Յուվենտուսի» ֆուտբոլիստի տեղադրած լուսանկարն այս պահի դրությամբ դուր է եկել 19 838 269 օգտատերի:
Посмотреть эту публикацию в Instagram
Մեծ թվով երկրպագուներ դիմավորել են Մեսիին Մայամիի ռեստորաններից մեկի մուտքի դիմաց (տեսանյութ)
