Արգենտինայի հավաքականի նախկին հարձակվող Խուան Ռոման Ռիկելմեն ՊՍԺ-ի հարձակվող Լիոնել Մեսիին «Բոկա Խունիորսի» 10 համարի մարզաշապիկ է նվիրել՝ հաղորդում է Ole-ն։

Նվերը Մեսիին հանձնվել է ԱԱ 2022-ի ընտրական փուլի շրջանակում կայացած Արգենտինա - Վենեսուելա խաղից առաջ (3-0): Այդ հանդիպման ժամանակ արգենտինացին գոլի հեղինակ դարձավ։

Ընթացիկ մրցաշրջանում 34-ամյա Մեսին ՊՍԺ-ի կազմում անցկացրած 26 խաղում դարձել է 7 գոլի ու 11 գոլային փոխանցման հեղինակ։ Ակումբի հետ նրա գործող պայմանագիրն ուժի մեջ է մինչև 2023 թվականը։

Մեզ կարող եք հետևել նաև Telegram-ում