տուր
01 Հունվար 1970 - 20:14
«Բարսելոնայի» հարձակվող Լիոնել Մեսին, չնայած իր թիմի՝ Արքայական գավաթի խաղարկության եզրափակիչում «Վալենսիայից» կրած պարտությանը (1-2), դարձել է մրցաշարի ռեկորդակիր։
Արգենտինացին խփել է այդ մրցավեճում կատալոնացիների միակ գոլը՝ գնդակը մրցակցի դարպասն ուղարկելով 73-րդ րոպեին։ Ինչպես հաղորդում է Opta վիճակագրական ռեսուրսի թվիթերյան էջը, 31-ամյա ֆուտբոլիստը մրցաշարի ռեկորդ է սահմանել, քանի որ անցյալում ոչ ոքի չէր հաջողվել գոլի հեղինակ դառնալ գավաթի խաղարկության 6 եզրափակիչներում։
Արգենտինացին ավելի վաղ հաջողության է հասել 2009 (մրցակիցը՝ Բիլբաոյի «Ատլետիկ»), 2012 (Բիլբաոյի «Ատլետիկ»), 2015 (Բիլբաոյի «Ատլետիկ»), 2017 («Ալավես») և 2018 («Սևիլյա») թվականների եզրափակիչներում։ Բիլբաոյի «Ատլետիկի» լեգենդար հարձակվող Տելմո Սարան խփած գոլերով աչքի է ընկել գավաթի խաղարկության 5 եզրափակիչներում։