VNews-ը ներկայացնում է հայտնի մարդկանց ոչ հայտնի ու արտասովոր պատմությունները՝

1. Միքելանջելոն և իր հիգիենան

Սիքստինյան կապելլան պատկերազարդած Միքելանջելոն արվեստի ամենահայտնի ու կարևոր դեմքերից մեկն է, որի պատկերները, կարող ենք ասել, անթերի են… ի տարբերություն նկարչի: Ասում են՝ նա հիգիենայի հարցում այդքան էլ օրինակելի չի եղել: Միքելանջելոն քնում էր իր հագուստով ու կոշիկներով՝ օրերով չփոխելով դրանք: Նա խուսափում էր լողանալուց ու նույնիսկ դա վտանգավոր էր համարում իր առողջության համար: Գուցե նա ճիշտ էր, և գուցե հենց դա է օգնել Միքելանջելոյին 89 տարի ապրել:

2. Սալվադոր Դալին և իր կինը

Սյուրռեալիզմի մասին մտածելիս անհնար է չհիշել Սալվադոր Դալիին ու նրա հայտնի բեղերը: Նրա կյանքն այնքան արտասովոր է եղել, որքան և ինքը՝ նկարիչը: Նրա հետ կապված ամենաարտասովոր պատմություններից մեկն է իր մուսայի ու մեծ սիրու հետ ամուսնությունը: Բանն այն է, որ նկարիչը կնոջը՝ Գալային, վերաբերվում էր աստվածուհու պես: Դալին մի ամրոց էր գնել Գալայի համար ու իր կնոջն այցելության էր գնում միայն գրավոր հրավերով:

3. Սթենլի Կուբրիկն ու իր թույլ կողմը

Հայտնի պերֆեկցիոնիստ Սթենլի Կուբրիկն այն ռեժիսորն է, որին հիշում ենք այնպիսի լեգենդար ֆիլմեր դիտելիս ինչպիսիք են «Լարովի նարինջը», «Փայլատակումը» և այլն: Նման սարսափ ֆիլմերի ետևում պիտի որ կանգնած լինի անվախ ու բարդ բնավորություն ունեցող մեկը: Սա իհարկե այդպես է, սակայն արի ու տես, որ ռեժիսորը, ինչպես և ցանկացած մարդ, թույլ կողմեր էլ ուներ: Կուբրիկը շատ էր սիրում կենդանիների ու կյանքի մի շրջանում իր տանը 16 կատու էր պահում: Որոշ ժամանակ անց նա այդ թվին ավելացրել է նաև 7 ռետրիվեր որսորդական շուն և 4 ավանակ:

4. Ալբեր Քամյուն և կենդանաբանական այգին

Էլեգանտ, խելացի, ծխելն արվեստ դարձնող, Սիգարետ անունով կատու ունեցող և Նոբելյան մրցանակ ստացած հեղինակ Ալբեր Կամյուն բացի գրելուց զբաղվում էր նաև փիլիսոփայությամբ, լրագրությամբ, ֆուտբոլ դիտելով ու կենդանիներին դիտելով: Նա այնքան էր կենդանիներ սիրում, որ երբ այցելեց Նյու Յորք, անմիջապես այցելեց Կենտրոնական այգու կենդանաբանական այգի: Նա այս կենդանաբանական այգի գնաց ոչ թե մեկ, ոչ թե երկու, ոչ թե երեք անգամ, այլ 20 անգամ: