Պարոն Մկրտչյան, եկեք առանց նախաբանի միանգամից անցնենք բուն թեմային: Լսել ենք, որ դուք նոր ֆիլմ եք նկարում: Ճի՞շտ է:
Այո՛, ճիշտ է:
Պատասխանը շատ կարճ էր ու… սպառիչ չէր:
Լավ, ուրեմն ավելի մանրամասն խոսեմ (ժպտում է): Ես ինքս միշտ գերադասում եմ խուսափել նախաբաններից, բայց երևի այս անգամ առանց դրա չի ստացվի:
Երկրում կատարվեց մի իրադարձություն, որը արժեքավոր էր ոչ միայն իր քաղաքական կողմով ու արդյունքներով, այլև՝ մարդկանց ներսում տեղի ունեցած էմոցիոնալ փոփոխությամբ: Մարդիկ սկսեցին հավատալ իրենց ուժերին և գիտակցել իրենց կարևորությունը: Եվ այս ամենի մեջ իսկապես կար սեր ու այս ամենը իսկապես բարձրացրեց մեր ազգի վարկանիշը:
Ստեղծագործող մարդու համար սա չի կարող ոգեշնչման աղբյուր չդառնալ: Եվ այսպես ծնվեց մարդկային պարզ հարաբերությունների մասին մի պատմություն, որի մեջ կա երկրում տեղի ունեցող իրադարձություների ողջ էներգետիկան:
Սա մեծ պատասխանատվություն է, չե՞ք վախենում:
Մինչև նկարահանումները սկսելը ես միշտ վախեցել եմ, վախենում եմ ու կվախենամ…
Ի՞նչ անվանում կունենա ֆիլմը:
Ըստ իս, ողջ Թավշյա հեղափոխության էներգետիկան ու էությունը «Դուխով» արտահայտության մեջ է: Սկզբից թվում էր, որ Փաշինյանի սկսած շարժումը ոչինչի չի հասնի: Սակայն շատ կարճ ժամանակ անց բոլորը հասկացան, որ դուխով հնարավոր է հասնել ամեն ինչի, հնարավոր է փոխել ամեն բան… Ուստի իմ ֆիլմը այլ վերնագիր ունենալ չի կարող...
Շատ լավ, իսկ այդ դեպքում ի՞նչ կապ ունի Ձեր նոր ֆիլմը ՎԻՎԱՌՈ ընկերության հետ:
Հմ… Կապ հաստատ ունի, այդ պատճառով էլ հենց Ձեզ հետ եմ առաջինը խոսում այս մասին (ժպտում է): Գիտեք, ես ՎԻՎԱՌՈ ընկերության հետ վաղուց եմ ընկերություն անում, ցանկացած նոր ու հետաքրքիր գաղափար այստեղ միշտ ջերմությամբ են ընդունում:
Լավ, եկեք բոլորը փակագծերը չբացեմ: Թող մի քանի բան էլ գաղտնիք մնա, համենայն դեպս՝ առայժմ…
Պարո՛ն Մկրտչյան, իսկ դերաբաշխում արդեն արե՞լ եք: Ինձ շատ հետաքրքիր է՝ ով կմարմնավորի Նիկոլ Փաշինյանին:
Մի ստիպեք ինձ ժամանակից շուտ բացել չակերտները: Ինչ վերաբերում է դերասանական կազմին, խոստանում եմ՝ դուք կտեսնեք նոր դեմքեր:
Շնորհակալություն հարցազրույցի համար: Անհամբեր կսպասենք նոր ֆիլմին:
Ես էլ եմ շնորհակալ: