տուր
01 Հունվար 1970 - 21:18
«Բավարիայի» կիսապաշտպան Ջոշուա Կիմիխը պատմել է 2015 թվականին «Լայպցիգից» մյունխենյան ակումբ տեղափոխությունից իր հիշողությունների մասին: Թիմն այդ ժամանակ մարզում էր Պեպ Գվարդիոլան:
«Ես մտածեցի․ այդ ակումբը կարող է պայմանագիր կնքել աշխարհի ցանկացած կիսապաշտպանի, ցանկացած ֆուտբոլիստի հետ: Նրանք ինչո՞ւ են հետաքրքրված ինձնով:
Գվարդիոլայի հետ առաջին զրույցն այսպիսին էր: Միանգամից հարցրի նրան՝ ինչու են որոշել հրավիրել ինձ, ինչ են տեսել ինձանում: Գվարդիոլան ամեն ինչ ցույց տվեց տակտիկական գրատախտակի վրա: Դա տպավորիչ էր: Նա ինձ ցուցադրեց՝ որ դիրքերում կարող եմ խաղալ, որտեղ է ինձ տեսնում, իսկ ես նույնիսկ չգիտեի, որ ունակ եմ այդպիսի գործառույթներ կատարել: Իմ արձագանքն այսպիսին էր․ «Օհո՜, դե՛, լա՛վ․․․»:
Իրար հետ աշխատեցինք մի ժամից մի փոքր ավելի, իսկ նա արդեն այնքա՜ն բան էր ցույց տվել ինձ: Դա հրաշալի մեկնարկ էր»,- Կիմիխի խոսքերը մեջբերում է ESPN-ը:
Գերմանիայի հավաքականի կիսապաշտպանը Բունդեսլիգայի ընթացիկ առաջնությունում մասնակցել է 17 հանդիպման՝ դառնալով 2 գոլի և 10 արդյունավետ փոխանցման հեղինակ:
Կիմիխ. «Շատ կցանկանայի, որ Գվարդիոլան վերադառնար «Բավարիա»