«Միլանը» կարող է խնդիրներ չունենալ տրանսֆերային շուկայում, եթե ակումբը նոր սեփականատերեր ունենա:
Ավելի վաղ նշվում էր, որ Բահրեյնը ներկայացնող Investcorp ներդրումային ընկերությունը բանակցություններ է վարում՝ միլանյան գրանդը 1 մլրդ եվրոյով գնելու համար:
La Gazzetta dello Sport-ի հաղորդմամբ՝ նոր սեփականատերերը պլանավորել են շուրջ 300 մլն եվրո տրամադրել՝ կազմն ուժեղացնելու համար:
Այս ամենը հաշվի առնելով՝ «ռոսոներիների» սկաուտներն սկսել են լրջորեն հետաքրքրվել «Այաքսի» ռմբարկու Սեբաստյան Ալեի, «Լայպցիգի» կիսապաշտպան Քրիստոֆեր Նկունկուի, «Ռոմայի» վինգեր Նիկոլո Ձանիոլոյի և «Մոնակոյի» հենակետաային Օրելյեն Տչուամենիի ծառայություններով:
