«Միլանը» կարող է նոր սեփականատեր ունենալ՝ հաղորդում է «Ռոյթերս»-ը։

Ըստ աղբյուրի՝ Բահրեյնի Investcop ներդրումային ընկերությունն ակումբը գնելու հարցով բանակցություններ է վարում ներկայիս սեփականատերերի՝ Elliot Management-ի հետ։

Նշվում է, որ գործարքն արդեն վերջնական փուլում է և կարող է արժենալ մեկ միլիարդ եվրո, որը ներառում է նաև «Միլանի» պարտքերը։ Investcorp ընկերությունն զբաղվում է մասնավոր ներդրումներով, անշարժ գույքի առուվաճառքով և այլն։

Նրանց ակտիվները գնահատվում են մոտ 42 մլրդ եվրո: Ընդ որում՝ Ա Սերիայի սեփականատերը պատմության մեջ առաջին անգամ կարող է լինել Մերձավոր Արևելքից։