ՊՍԺ-ի դարպասապահ Ջանլուիջի Դոնարուման կարող է վերադառնալ «Միլան»: Ֆրանսիական «Էկիպ»-ի հաղորդմամբ՝ իտալական ակումբը մտադիր է օգտագործել 23-ամյա ֆուտբոլիստի շուրջ ստեղծված իրավիճակը: Դոնարուման անվստահ է զգում ՊՍԺ-ում, իսկ «Ռեալի» դեմ թույլ տված սխալն ավելի է բարդացրել նրա դրությունն ակումբում: Դրանից բացի, երիտասարդ դարպասապահը դժգոհ է, որ խաղաժամանակը կիսում է Կեյլոր Նավասի հետ:
«Միլանում» ուշադիր հետևում են իրավիճակին, և եթե մինչև ամառ լուրջ փոփոխություն չլինի, ակումբն ավելի կոնկրետ քայլեր կձեռնարկի՝ նրան վերադարձնելու համար:
Հիշեցնենք, որ աշխարհի չեմպիոնը փարիզյան ակումբի շարքը համալրել էր 2021 թվականի հուլիսին:
Ընթացիկ մրցաշրջանում ՊՍԺ-ի կազմում Դոնարուման անցկացրել է 22 հանդիպում, բաց թողել 20 գնդակ և 8 խաղում՝ անառիկ պահել դարպասը:
Նավասը 22 խաղում 21 գոլ է ընդունել (նույնպես 8 «չոր» հանդիպում):