ՈՒԵՖԱ-ի Կոնֆերենցիաների լիգայի կիսաեզրափակիչի առաջին խաղում «Ռոման» Անգլիայում 1:1 հաշիվն է գրանցել «Լեսթերի» հետ:
Հանդիպման 57-րդ րոպեին «Ռոմայի» 33-ամյա հայ կիսապաշտպան Հենրիխ Մխիթարյանը վնասվածքի պատճառով փոխարինվել է՝ խաղադաշտում իր տեղը զիջելով Ժորդան Վերետուին:
Sky Sport-ի հաղորդմամբ՝ Հենրիխն աջ ազդրի մկանային լարվածություն է ունեցել: Եթե բուժզննումը հաստատի վնասվածքը, հայ ֆուտբոլիստը բաց կթողնի մայիսի 1-ին Ա Սերիայի 35-րդ տուրի՝ «Բոլոնիայի» և 4 օր անց «Օլիմպիկոյում» Կոնֆերենցիաների լիգայի շրջանակում «Լեսթերի» դեմ պատասխան հանդիպումը: