«Ռոմայի» կիսապաշտպան Հենրիխ Մխիթարյանը շատ մոտ է «Ինտեր» տեղափոխությանը:
Sempreinter.com-ի հաղորդմամբ՝ ամեն ինչ պատրաստ է, պայմանագրի բոլոր կետերը հստակեցված են, սակայն «ներաձուրիները» ցանկանում են սպասել այնքան, մինչև հայ ֆուտբոլիստը վերջնականապես կապաքինվի մկանային վնասվածքից:
Եթե միլանյան ակումբի բժշկական անձնակազմը հաստատի, որ ամեն ինչ կարգին է, կողմերն ավարտին կհասցնեն գործարքը:
Հիշեցնենք, որ 33-ամյա ֆուտբոլիստն «Ինտերի» կազմը համալրելու է ազատ գործակալի կարգավիճակով: Կնքվելու է 2 տարվա պայմանագիր՝ տարեկան 4.5 մլն եվրո աշխատավարձով:
