Իտալական «Ռոմայի» հայ կիսապաշտպան Հենրիխ Մխիթարյանը շարունակում է ապաքինվել աջ ազդրի մկանային վնասվածքից, որն ստացել էր Կոնֆերենցիաների լիգայի կիսաեզրափակիչում՝ «Լեսթերի» դեմ առաջին խաղում (1:1):
Corriere della Sera-ի փոխանցմամբ՝ 33-ամյա ֆուտբոլիստը ցանկանում է ամեն գնով մասնակցել մայիսի 25-ին Տիրանայում «Ֆեյենորդի» դեմ կայանալիք եզրափակիչ խաղին:
Իտալական պարբերականը նշում է, որ ակումբի բժշկական անձնակազմը չի փորձում ռիսկի դիմել՝ արագացնելով Հենրիխի ապաքինման գործընթացը: Աղբյուրի համաձայն՝ Մխիթարյանի վերականգնումը բարեհաջող է ընթանում:
Հայաստանի հավաքականի նախկին ավագն ընթացիկ մրցաշրջանում բոլոր մրցաշարերում անցկացրել է 43 հանդիպում, խփել 5 գոլ և կատարել 9 գոլային փոխանցում:
