Հայաստանի հավաքականի նախկին ավագ Հենրիխ Մխիթարյանն այսօր առաջին մարզումը կանցկացնի «Ինտերում»:
Հենրիխն արդեն ժամանել է «ներաձուրիների» մարզաբազա: Հայ կիսապաշտպանը ճանապարհին ստորագրություններ է բաժանել երկրպագուներին, լուսանկարվել նրանց հետ:
Primo giorno di lavoro per la nuova #Inter : tra i primi ad arrivare ad Appiano i nuovi acquisti #Mkhitaryan e #Bellanova pic.twitter.com/OV3nOZCReM
— calciomercato.com (@cmdotcom) July 6, 2022
Հիշեցնենք՝ 33-ամյա ֆուտբոլիստն ազատ գործակալի կարգավիճակով է տեղափոխվել «Ինտեր»:
«Ինտերի» մինչմրցաշրջանային հավաքի մեկնարկային մարզմանը կմասնակցեն նաև թիմի մյուս նորեկներ Ռաուլ Բելանովան, Անդրե Օնանան, Քրիստյան Ասլանին:
Մի շարք առանցքային ֆուտբոլիստներ թիմին կմիանան հուլիսի 10-ին, այդ թվում՝ Իտալիայի փոխչեմպիոնի կազմ վերադարձած բելգիացի հարձակվող Ռոմելու Լուկակուն:
«Ինտերն» առաջին ընկերական հանդիպումը կանցկացնի հուլիսի 12-ին՝ մրցելով «Լուգանոյի» հետ: «Ներաձուրիներն» Ա Սերիայի 2022/23 մրցաշրջանում կմեկնարկեն օգոստոսի 13-ին՝ հյուրընկալվելով «Լեչեին»:
