«Ռոմայի» կիսապաշտպան Հենրիխ Մխիթարյանը պատրաստ կլինի Կոնֆերենցիաների լիգայի՝ «Ֆեյենորդի» դեմ եզրափակիչ խաղին՝ տեղեկացնում է իտալական Corriere dello Sport պարբերականը:
Աղբյուրի համաձայն՝ 33-ամյա հայ ֆուտբոլիստը, ամենայն հավանականությամբ, մրցաշրջանի վերջին հանդիպումը կսկսի պահեստայինների նստարանին և փոխարինման դուրս կգա 2-րդ խաղակեսում:
Ավելի վաղ «Ռոմայի» գլխավոր մարզիչ Ժոզե Մոուրինյոն հայտնել էր, որ Հենրիխը դեռևս ոչ մի մարզում չի անցկացրել ընդհանուր խմբում, և ֆուտբոլիստի՝ եզրափակիչին մասնակցությունը քիչ հավանական է:
Հիշեցնենք՝ ՈՒԵՖԱ-ի Կոնֆերենցիաների լիգայի՝ «Ռոմա» - «Ֆեյենորդ» եզրափակիչ հանդիպումը տեղի կունենա Ալբանիայի մայրաքաղաք Տիրանայում (մայիսի 25):