«Ռոմայի» 33-ամյա հայ կիսապաշտպան Հենրիխ Մխիթարյանը գովել է թիմակիցներին և խոսել իր ապագայի մասին «Սամպդորիայի» դեմ անցկացրած հաղթական խաղից հետո: Հիշեցնենք՝ Ջենոայում կայացած խաղի միակ գոլը հեղինակել է Հենրիխը:
ԽԱՂԻ ՄԱՍԻՆ
«Իրոք, կարևոր էր, որ մենք հաղթեցինք: Երկրորդ խաղակեսում մենք մի փոքր վատ հանդես եկանք, բայց, բարեբախտաբար, գոլ խփեցինք խաղակեսից առաջ:
Կարևոր է նաև հաղթանակ տոնել միջազգային խաղերով պայմանավորված ընդմիջումից հետո, քանի որ դա միշտ էլ դժվար է:
Ես ողջունում եմ իմ թիմակիցներին՝ պայքարելու և այս խաղում ևս հաղթելու համար:
Մենք պետք է շարունակենք առաջ նայել: Մենք չենք կարող անցյալին նայել՝ որոշ խաղերի համար ափսոսանք հայտնելով:
Պետք է կենտրոնացած մնանք և մտածենք հաջորդ խաղի համար»,- նշել է հայ կիսապաշտպանը խաղի մասին:
ԻՐ ԱՊԱԳԱՅԻ ՄԱՍԻՆ
«Մոտ օրերս կքննարկենք պայմանագրիս երկարաձգման հարցը»,- Մխիթարյանի խոսքն է մեջբերում «Ռոմայի» մամուլի ծառայությունը:
Մխիթարյանի՝ «Ռոմայի» հետ գործող պայմանագրի ժամկետը կավարտվի հունիսին:
Մխիթարյանը հավակնում է «Սամպդորիա» - «Ռոմա» խաղի լավագույն ֆուտբոլիստի կոչմանը
