տուր
01 Հունվար 1970 - 21:32
VivaroNews-ն առանձնացրել է դեկտեմբերի 21-ին տեղի ունեցած ամենաուշագրավ իրադարձությունները և դրանք ներկայացնում է ձեր ուշադրությանը:
ՀԱՅԱՍՏԱՆ
ՀՖՖ-ն հրապարակել է քվեարկության արդյունքները «Հայաստանի լավագույն ֆուտբոլիստ» և «Հայաստանի լավագույն մարզիչ» անվանակարգերում: 2016 թվականի լավագույն խաղացող է ճանաչվել Հենրիխ Մխիթարյանը՝ հավաքելով 245 միավոր: Նրան լավագույն եռյակում հաջորդել են Գևորգ Ղազարյանը և Մարկոս Պիզելլին: Ինչ վերաբերում է մարզիչներին, ապա լավագույնի կոչմանն է արժանացել Վարդան Բիչախչյանը, որն իրենից հետ է թողել Աբրահամ Խաշմանյանին և Արթուր Ոսկանյանին:
«Մանչեսթեր Յունայթեդը» սոցիալական ցանցերի միջոցով շնորհավորել է ակումբի 27-ամյա կիսապաշտպան Հենրիխ Մխիթարյանին՝ կարիերայում 7-րդ անգամ Հայաստանի լավագույն ֆուտբոլիստ ճանաչվելու կապակցությամբ:
Անձամբ ֆուտբոլիստը նույնպես մեկնաբանել է այս նվաճումը՝ գրառում կատարելով ֆեյսբուքյան իր էջում. «Շնորհակալ եմ Հայաստանի ֆուտբոլի ֆեդերացիային, իմ ակումբներին, երկրպագուներին ու ԶԼՄ-ների ներկայացուցիչներին, որ հավատացել են ինձ»:
VivaroNews.am-ը վերլուծել է լավագույն մարզչի ընտրության հետ կապված իրավիճակը և փորձել հասկանալ, թե արդյոք Վարդան Բիչախչյանն արժանի էր ճանաչվելու տարվա լավագույն մարզիչ: