Ֆրանսիական «Մոնակոն» առաջարկ է կատարել Մյոնխենգլադբախի «Բորուսիային»՝ շվեյցարացի հարձակվող Բրել Էմբոլոյի տրանսֆերային իրավունքը ձեռք բերելու համար, հայտնում է RMC Sport-ը:
VBET ընկերության պաշտոնական գործընկերն Էմբոլոյի տեղափոխության համար պատրաստ է 15 միլիոն եվրո վճարել գերմանական թիմին: Ի դեպ, հենց այդքան է շվեյցարացու տրանսֆերային արժեքը:
Շվեյցարիայի հավաքականի 25-ամյա հարձակվողը 2019 թվականի հուլիսից խաղում է Մյոնխենգլադբախի «Բորուսիայում»: Էմբոլոյի պայմանագիրը գերմանական ակումբի հետ գործում է մինչև հաջորդ տարվա ամառ:
Ավելի վաղ հաղորդվում էր, որ «Տորինոյից» ազատ գործակալի կարգավիճակով հեռացած իտալացի հարձակվող Անդրեա Բելոտին նույնպես կտեղափոխվի «Մոնակո»:
«Մոնեգասկներն» այս ամռանն արդեն ձեռք են բերել «Լիվերպուլի» ճապոնացի եզրային հարձակվող Տակումի Մինամինոյի տրանսֆերային իրավունքը: