Իսպանացի հարձակվող Ալվարո Մորատան ընթացիկ մրցաշրջանի ավարտից հետո կլքի «Յուվենտուսը»՝ հաղորդում է Marca-ն։

Ըստ աղբյուրի՝ թուրինյան ակումբը 29-ամյա հարձակվողին ծանուցել է, որ չի պատրաստվում «Ատլետիկոյից» գնել նրա տրանսֆերային իրավունքը։ «Յուվենտուսը»  ֆուտբոլիստին վարձակալել էր երկու տարի առաջ։

Մորատան կվերադառնա «Ատլետիկո», սակայն մադրիդցիների գլխավոր մարզիչ Դիեգո Սիմեոնեի ծրագրերում նույնպես նա տեղ չունի։

Այս մրցաշրջանում հարձակվողն Ա Սերիայի 35 խաղում դարձել է 9 գոլի հեղինակ։