«Ռոմայի» գլխավոր մարզիչ Ժոզե Մոուրինյոն ցանկանում է հռոմեական ակումբ հրավիրել Մադրիդի «Ռեալի» վինգեր Գարեթ Բեյլին, որը հունիսի 30-ին կդառնա ազատ գործակալ՝ հայտնում են իսպանական լրատվամիջոցները։
Մոուրինյոն 2020/2021 մրցաշրջանում Լոնդոնի «Տոտենհեմում» աշխատել է ուելսցու հետ: Պորտուգալացին Բեյլի միջոցով ցանկանում է ուժեղացնել իտալական թիմի հարձակման գիծը:
Ըստ իսպանական լրատվամիջոցների՝ 32-ամյա ուելսցին 10 ակումբի տրանսֆերային թիրախում է: Ավելի վաղ հաղորդվում էր, որ Բեյլի գործակալն ուելսցու ծառայություններն առաջարկել է «Խետաֆեի» նախագահին։