«Ռոման» թիրախավորել է իսպանական «Վալենսիայի» և Պորտուգալիայի հավաքականի վինգեր Գոնսալու Գեդեշին՝ հայտնում է ինսայդեր Ալֆրեդո Պեդուլան: Գեդեշի ծառայություններով անձամբ հետաքրքրված է «Ռոմայի» գլխավոր մարզիչ Ժոզե Մոուրինյոն:
Պորտուգալացի մասնագետն իր հայրենակցի տրանսֆերի շուրջ բանակցություններն արագացնելու համար զրույցել է հռոմեական ակումբի ղեկավարության հետ: Հաղորդվում է, որ Գեդեշը դեմ չէ «Ռոմա» տեղափոխությանը:
Պեդուլան հավելում է, որ «Վալենսիան» Գեդեշի տրանսֆերային իրավունքի համար կպահանջի 35 միլիոն եվրո: Հռոմեական թիմը կարող է գործարքում ներառել իր խաղացողներից մեկին, որպեսզի նվազեցնի տրանսֆերի արժեքը:
Գեդեշի պայմանագիրն իսպանական ակումբի հետ գործում է մինչև 2024 թվականի ամառ: