Իտալական «Ռոմայի» գլխավոր մարզիչ Ժոզե Մոուրինյոն գնահատել է թիմի հայ կիսապաշտպան Հենրիխ Մխիթարյանի՝ ՈՒԵՖԱ-ի Կոնֆերենցիաների լիգայի եզրափակիչ խաղին մասնակցելու շանսերը: Հենրիխը դեռևս ապաքինվում է աջ ազդրի մկանային վնասվածքից, որն ստացել էր մրցաշարի կիսաեզրափակիչում՝ «Լեսթերի» դեմ առաջին խաղում (1:1):
«Մխիթարյանին դեռ ժամանակ է հարկավոր, նա դեռ ոչ մի մարզում չի անցկացրել թիմի ընդհանուր խմբում: Ուրբաթ նա խաղալու շանս չի ունենա, իսկ չորեքշաբթի՝ չնչին»,- Մոուրինյոյի խոսքն է մեջբերում Forzaroma.info-ն:
Հիշեցնենք՝ ուրբաթ «Ռոման» Ա Սերիայի վերջին՝ 38-րդ տուրի հանդիպումը կանցկացնի «Տորինոյի» հետ, իսկ չորեքշաբթի՝ մայիսի 25-ին, Ալբանիայի մայրաքաղաք Տիրանայում Կոնֆերենցիաների լիգայի անդրանիկ գավաթը կվիճարկի նիդեռլանդական «Ֆեյենորդի» հետ:
